"Барселона" ҳужумчиси Ансу Фати 2023 йилнинг ёзида "Атлетико" вингери Янник Феррейра-Карраско жамоага келиб қўшилса, клубни тарк этиши мумкин.
Инсайдер Фабрицио Романонинг сўзларига кўра, Каталония клуби Мемфис Депайнинг трансфери бўйича келишувда кўрсатилган "Атлетико"дан Карраскони имтиёзли сотиб олиш вариантидан фойдаланиш тўғрисида ҳали қарор қилгани йўқ. Аммо “Барселона” ундан фойдаланса, Фати жамоани тарк этиши мумкин.
Манбага кўра, 20 ёшли футболчи кетиши мумкин, чунки испан клуби ёзда футболчиларни сотиши керак бўлади. Ҳужумчига Англия клубларидан доимий қизиқишлар бор.
Фати яқинда "Барселона" билан шартномасини 2027 йилгача узайтирди. Футболчининг келишувида товон пули кўрсатилган, бу 1 миллиард евро.
Жорий мавсумда Фати “Барселона” сафида барча турнирлар доирасида 31 та ўйинда майдонга тушиб, 6 та гол урди ва 3 та голли узатмани амалга оширди.
