Жозе Моуриньо жорий мавсум охирида "Рома"ни тарк этиши мумкин.
Португалиялик мураббий таркибни трансферлар орқали кучайтириш зарурлиги ҳақида бир неча бор гапирган. Шу билан бирга, клуб директори Тиаго Пинтонинг фикрича, ҳозирги таркиб билан "Рома" Чемпионлар Лигасига йўлланма олиши мумкин. Бундай келишмовчиликлар фонида Моуриньо Рим клубининг раҳбариятини қароридан норози.
La Gazzetta dello Sport нашрининг ёзишича, Жозе Моуриньонинг тақдири кўп жиҳатдан "Рома"нинг жорий мавсумдаги натижасига боғлиқ бўлади. Агар жамоа кучли тўртликдан жой олса ва Чемпионлар лигасига йўлланмани қўлга киритса, Моуриньо жамоада қолиши мумкин. Акс ҳолда, португалиялик мураббий катта эҳтимол билан кетади.
Аввалроқ матбуотда Жозе Моуриньо яна "Челси"ни бошқаришни хоҳлаётгани ҳақида маълумот тарқаган эди.
