"Рома" клуби спорт директори Тьяго Пинто бугун матбуот анжуманида иштирок этиб, клубдаги муаммолар ҳақида гапирди.

"Мен ва мураббий ўртасида зиддиятли вазият юзага келса — бу нормал ҳолат. Биз иккимиз "Рома" манфаати йўлида ишлаяпмиз. Биз турли жамоаларда эмас, бир жамоада ишлаяпмиз.

А серия ва Европа лигаси мусобақасида фақат бир таркиб билан иштирок этиб бўлмайди. Таркибда биз истаган барча футболчилар йўқ. Чунки, имкониятларимиз чекланган. Аммо шуни айтишим мумкинки, Моуриньо истамаган футболчини харид қилмаганмиз. Аммо трансфер масаласини доимо мураббий билан келишган ҳолда ҳал этишга ҳаракат қиламан. Агар чуқурроқ назар ташлайдиган бўлсак, ўзини кўрсата олмаган футболчилар учун масъулиятни ўз зиммамга олишдан қўрқмайман. Моуриньо қўл остида ўйнаб кета олмаган барча ўйинларда 100 фоиз менинг айбим бор. Масалан, Вина ва Шомуродов", — деди Пинто.