Франциялик журналист Даниэль Риоло «ПСЖ» ҳужумчилари Лионель Месси ва Неймарнинг ўйинидан норози.

«Биз Мбаппе «ПСЖ»нинг ягона қуроли эканлигини биламиз, одамлар ҳар доим ҳам эшитишни хоҳламайдилар, лекин фақат у бор.

«ПСЖ»даги камчиликлар - бу икки ҳужумчи - Неймар ва Месси, улар сўниб бўлди. Улар чақнаш қобилиятига эга эди, аммо уларда ҳеч нарса қолмади», - деди журналист.

Эслатиб ўтамиз, аввалроқ «ПСЖ» Франция кубоги 1/8 финалида «Марсел»га имкониятни бой берганди (1:2).

Олдинроқ Мбаппе ва Месси 14 февралга белгиланган «Бавария» билан Чемпионлар лигаси 1/8 финал биринчи ўйинини ўтказиб юбориши мумкинлиги ҳақида хабарлар тарқалган эди.

Ундан олдин, 11 февраль куни «ПСЖ» Франция чемпионатида «Монако» билан ўйнайди.