Британиялик журналист Пирс Морган «Ан-Наср» ҳужумчиси Криштиану Роналдунинг муваффақиятли ўйинига муносабат билдирди.
Саудия Арабистони чемпионатининг 16-туридан ўрин олган кечаги ўйинда 38 ёшли тўпурар «Ал-Ваҳда» (4:0) дарвозасига тўртта гол урди.
«Роналду 38 ёшда. Таъсирли воқеа бўлди. Энг зўр футболчини табриклайман», деб ёзган Морган ижтимоий тармоқда.
Эслатиб ўтамиз, Криштиану 2022 йилнинг декабрь ойи охирида эркин агент сифатида Саудия Арабистонига кўчиб ўтганди.
Португалиялик футболчи «Ан-Наср» билан 2,5 йиллик шартнома имзолади. Роналдунинг маоши йилига 200 миллион еврони ташкил қилади.
