“Манчестер Юнайтед” аёллар жамоаси “қизил иблислар” ярим ҳимоячиси Мейсон Гринвуднинг қайтишига қарши, дея хабар бермоқда The Athletic.
Манба берган хабарга кўра, клубнинг аёллар жамоаси футболчининг жамоага қайтишидан хавотирда. 2022 йил январ ойида 21 ёшли футболчи Гринвуднинг собиқ севгилиси томонидан ижтимоий тармоқларда жойланган суратлар пайдо бўлганидан кейин ҳибсга олинган эди. Жабрланувчининг таъкидлашича, у бир неча бор футболчи томонидан зўравонликка учраган.
2 февраль куни Буюк Манчестер полицияси футболчини айблаш бўйича ишни ёпгани маълум бўлди.
21 ёшли инглиз “Манчестер Юнайтед” тарбияланувчиси ҳисобланади. Унинг "қизил иблислар" билан амалдаги шартномаси 2025 йилгача мўлжалланган.
