“Manchester Yunayted” ayollar jamoasi “qizil iblislar” yarim himoyachisi Meyson Grinvudning qaytishiga qarshi, deya xabar bermoqda The Athletic.

Manba bergan xabarga ko‘ra, klubning ayollar jamoasi futbolchining jamoaga qaytishidan xavotirda. 2022 yil yanvar oyida 21 yoshli futbolchi Grinvudning sobiq sevgilisi tomonidan ijtimoiy tarmoqlarda joylangan suratlar paydo bo‘lganidan keyin hibsga olingan edi. Jabrlanuvchining ta’kidlashicha, u bir necha bor futbolchi tomonidan zo‘ravonlikka uchragan.

2 fevral kuni Buyuk Manchester polisiyasi futbolchini ayblash bo‘yicha ishni yopgani ma’lum bo‘ldi.

21 yoshli ingliz “Manchester Yunayted” tarbiyalanuvchisi hisoblanadi. Uning "qizil iblislar" bilan amaldagi shartnomasi 2025 yilgacha mo‘ljallangan.