"ПСЖ" дарвозабони Жанлуижи Доннарумма 2021 йилнинг ёзида "Милан"дан текинга ўтганидан кейин "Парк де Пренс"даги биринчи мавсуми ҳақидаги хотиралари билан ўртоқлашди.
"Ўтган мавсум ўсишимга ёрдам берди, мен ундан кўп нарсани ўргандим. Бу менинг ўзимга келишимга ёрдам берган тажриба эди. Бу йил мураббий менга вазифамни аниқ тушунтириб берди ва имконият берди. Мен ундан ишончи учун жуда миннатдорман", деди Доннарумма L’Equipe нашрига берган интервьюсида.
Эслатиб ўтамиз, вақт ўтиши билан Доннарумма "ПСЖ"нинг асосий дарвозабонига айланди. Кейлор Навас яқинда "Ноттингем Форест"га мавсум охиригача ижара асосида ўтди.
