"Ливерпуль" бош мураббийи Юрген Клоппнинг режаларида йўқ бўлган африкалик ярим ҳимоячи Наби Кейта фаолиятини Италия чемпионатида давом эттириш имкониятига эга.
Daily Mail нашрининг хабарига кўра, 28 ёшли гвинеялик ярим ҳимоячи хизматларига "Милан" клуби қизиқмоқда. "Россонерлар" футболчини текинга қўлга киритиши мумкин, чунки унинг "мерсисайдликлар" билан шартномаси жорий мавсум охирида якунига етади. Наби "қизиллар" сафида 2018 йилнинг июлидан бери ўйнаб келмоқда.
Кейта жорий мавсум Англия Премьер-лигасида 6 та ўйинда майдонга тушди.
