Донецкнинг «Шахтёр» клуби дарвозабони Анатолий Трубин Украина Премьер-лигасини АПЛга ўзгартириши мумкин.
Бу ҳақда таниқли инсайдер Фабрицио Романо ўзининг ижтимоий тармоқларида хабар бермоқда. Журналистнинг ёзишича, футболчига Англиянинг бир қанча номи ошкор этилмаган клублари қизиқиш билдирмоқда.
21 ёшли дарвозабон «Шахтёр» академияси тарбияланувчиси ҳисобланади. Transfermarkt портали футболчини 11 миллион еврога баҳоламоқда.
Жорий мавсумда украиналик футболчи барча турнирлар доирасида 18 та ўйин ўтказиб, 21 та гол ўтказиб юборди ва бешта учрашувда дарвозаси дахлсизлигини сақлаб қолди.
Олдинроқ унинг жамоадоши Михаил Мудрик Премьер-лигага кўчиб ўтганди.
