"Манчестер Сити" ярим ҳимоячиси Илкай Гюндоган жамоа нима учун Эрлинг Холанд билан кучсизланиб қолмаганини айтди.
"Ливерпуль"нинг собиқ футболчиси Жейми Каррагер норвегиялик ҳужумчи ўзи учун нотўғри жамоа танлагани ва у билан "шаҳарликлар" сафида олдинги мавсумларга қараганда анча заифлашганини таъкидлади.
"Менимча, агар сиз 20 та ўйинда 25 та гол урсангиз, ҳеч бўлмаганда жамоага мос тушган бўласиз", - деб жавоб беради Гюндоган. “Тўғри, Эрлингнинг фазилатлари туфайли биз бошқача ўйнай бошладик, лекин биз ҳам, у ҳам бунга мослашишиб бўлди”, — деди “Манчестер Сити” сардори, инглиз ОАВларига.
