"Ницца"нинг марказий ҳимоячиси Данте мавсумдаги илк голини урди.
Бразилиялик футболчи Франция 1-лигаси ўйинининг 3-дақиқасидаёқ “Аяччио” дарвозасини ишғол қилди. Opta хабарига кўра, “Бавария”нинг собиқ марказий ҳимоячиси 39 ёшу 115 кунлигида бу мавсум топ-5 чемпионатларда гол урган энг қари футболчига айланди.
Данте Франция чемпионатининг жорий мавсумида 22 та ўйин ўтказган. Фахрийнинг ҳисобида шу кунгача фақат битта самарали ҳаракат бор эди - бу голли узатма. Футболчининг "Ницца" билан амалдаги меҳнат шартномаси 2022/23 йилги мавсум охирида якунига етади.
