"Милан" ҳимоячиси Тео Эрнандес Чемпионлар лигаси 1/8 финалидан ўрин олган "Тоттенхэм"га қарши ўйин олдидан фикр билдирди.
“Биз ғалаба қозонишни хоҳлаймиз. Қийин ўйин бўлишини тушунамиз, аммо ўйинга юз фоиз тайёр бўлиш учун бир неча кунга яхши тайёргарлик кўришимиз керак", - дея Эрнандеснинг сўзларини келтиради Football Italia.
25 ёшли франциялик футболчи жорий мавсумда барча мусобақаларда 26 та ўйинда майдонга тушиб, 2 та гол урди ва 5 та голли узатмани амалга оширди.
"Милан" ва "Тоттенхэм" ўртасидаги биринчи ўйин 14 февраль куни бўлиб ўтади.
