Польша терма жамоаси ҳимоячиси Мэтти Кэш ЖЧ-2022 1/8 финалида Килиан Мбаппени тўхтатиш режаси бўйича ўз танловида қолди.
Терма жамоанинг ўша пайтдаги устози Чеслав Михневич “Астон Вилла” вакилига аниқ кўрсатмалар берган эди, аммо у мураббий кўрсатмасига амал қилмасда, ўз билганини қилди.
"Мураббий Мбаппедан узоқроқ туришимни хоҳлади, лекин мен буни хоҳламадим. Агар рақибга яқин бўлсам, унга қочиш учун камроқ имконият бераман деб ўйладим. Мен буни қилдим, биринчи бир неча бор. Тўқнашувларнинг ҳаммаси яхши ўтди. Кейин бир вазиятда унга бўш жой бўлди. Ўшанда мен ҳеч нарса қила олмадим", - деди Кэш Meczyki билан суҳбатда.
Польшаликларнинг режаси иш бермагани аниқ Францияга 1:3 ҳисобида ютқазишди ва ЖЧ-2022дан кейин Михневич ишсиз қолди.
