Франция чемпионатининг 23-тури доирасида «ПСЖ» сафарда «Монако» билан тўқнаш келиб, мағлубиятга учради.

Мазкур баҳсда парижликлар бир қатор етакчилар хизматидан фойдалана олишмади. Хусусан, Килиан Мбаппе ва Лионель Месси майдонга тушмади.

"Монако" эса биринчи бўлим охирига қадар ўйин тақдирини ҳал қилиб қўйди. Головин 4-дақиқада ҳисобни очган бўлса, Виссам Бен-Йеддер танаффусгача 2та гол урди. "ПСЖ" Заир-Эмери томонидан урилган битта гол билан жавоб қайтарди.

"Монако" ушбу ғалаба туфайли ўз очколарини 47тага етказиб, 2-ўринга кўтарилиб олди. "ПСЖ" ҳисобида эса 54 очко билан пешқадам бўлиб турибди.

Франция чемпионати, 23-тур
Монако – ПСЖ 3:1 (3:1)
Голлар: 1:0 – 4 Головин, 2:0 – 18 Бен-Йеддер, 2:1 – 39 Заир-Эмери, 3:1 – 45 Бен-Йеддер.
Монако – Нюбель, Агиляр, Марипан, Дисаси, Кайо Энрике, Головин (Якобс, 80), Камара (Матазо, 90), Фофана, Бен-Сегир (Минамино, 72), Бен-Йеддер (Эмболо, 72), Диатта.
ПСЖ – Доннарумма, Пембеле (Ҳакимий, 66), Данилу Перейра (Гарби, 59), Маркиньос, Битшиабу (Рамос, 46), Бернат, Солер, Витинья (Кимпембе, 80), Заир-Эмери, Неймар, Экитик (Хусни, 80).
Огоҳлантириш: Ҳакимий (71).