"Тоттенхэм" ҳужумчиси Харри Кейн Англия Премьер-лигасида ўйнашни давом эттириш ниятида.
Football Insider хабарига кўра, яқинда "шпорлар"нинг барча вақтларидаги энг яхши тўпурарига айланган 29 ёшли футболчи "Бавария" ва "Реал"га ўтиши мумкин, аммо у Англияни тарк этиш ниятида эмас. Ҳужумчи ўз уйида ўйнашни давом эттириш ниятида ва агар "Тоттенхэм"ни тарк этса, Премьер-лиганинг бошқа клубига ўтишни афзал кўради.
АПЛ вакиллари орасида Харри Кейнга асосий даъвогар "Манчестер Юнайтед" ҳисобланади. Аввалроқ ОАВда "Тоттенхэм" ўз юлдузини чемпионатдаги рақибларига сотиш ниятида эмаслиги ҳақида хабарлар тарқалганди.
