«Ливерпуль» бош мураббийи Юрген Клопп Муҳаммад Салоҳнинг жорий мавсумдаги ўйини ҳақида ўз фикрларини билдириб ўтди.

Ҳужумчи Премьер-лигадаги сўнгги голини 26 декабрь куни «Астон Вилла»га қарши ўйинда киритганди.

«Муҳаммад Салоҳ аввалгидек кучли футболчи. Футболчиларнинг кўтарилишлари ва тушишлари бўлади. У доимий равишда ажойиб даражада ўйнади ва ақл бовар қилмас миқдордаги голларни киритди.

Салоҳнинг ҳозирги формасини Дарвин Нуньесга ҳеч қандай алоқаси йўқ», - дея Клоппнинг сўзларини келтиради Sky нашри.

Футболчи жорий мавсум АПЛда 20 та ўйинда майдонга тушиб, 7 та гол урди ва 4 та голли узатмани амалга оширди.