"Ливерпуль" ҳужумчиси Роберто Фирмино ёзда "Реал"га ўтиши мумкин.
Клубда Фирмино Карим Бенземага муқобил ўринбосар бўлиши мумкин.
Футболчи ҳали "Ливерпуль" билан шартномасини узайтиргани йўқ ва амалдаги шартномаси шу йилнинг ёзида тугайди. Шу тариқа, “Реал Мадрид” 31 ёшли бразилияликни текинга ўз сафига қўшиб олиши мумкин.
Фирмино “Ливерпуль” сафида 2015 йилнинг ёзидан буён тўп суради. Ўшандан бери у клуб сафида 348 та ўйин ўтказиб, 107 та гол урган ва 78 та голли узатмани амалга оширган.