"Манчестер Юнайтед" дарвозабони Давид де Хеа АПЛдаги 400-ўйини ҳақида фикр билдирди. Испаниялик дарвозабон бу ютуғига 23-турда “Лидс Юнайтед” билан ўйинда эришди, ўйинда “қизил иблислар” 2:0 ҳисобида ғалаба қозонишди.
“Бугун бор эътиборимни фақат ғалабага қаратгандим ва биз бунга эришдик. Шундай қилиб, энди мен Премьер-лигадаги 400-ўйинимдан завқ олишим мумкин. Бу ерга келганимиз, бугунгидек ўйнаганимиз жуда яхши. Қуруқ ғалаба, уч муҳим очко ва клуб учун 400 та ўйин - бу ажойиб кун бўлди", - дея Де Хеа сўзларини келтиради BBC.
“Манчестер Юнайтед” ушбу ғалабадан сўнг очколари сонини 46тага етказиб, турнир жадвалида 2-ўринга кўтарилиб олди ва “Манчестер Сити”ни қуйи поғонага тушириб юборди.
