"Manchester Yunayted" darvozaboni David de Xea APLdagi 400-o‘yini haqida fikr bildirdi. Ispaniyalik darvozabon bu yutug‘iga 23-turda “Lids Yunayted” bilan o‘yinda erishdi, o‘yinda “qizil iblislar” 2:0 hisobida g‘alaba qozonishdi.
“Bugun bor e’tiborimni faqat g‘alabaga qaratgandim va biz bunga erishdik. Shunday qilib, endi men Premyer-ligadagi 400-o‘yinimdan zavq olishim mumkin. Bu yerga kelganimiz, bugungidek o‘ynaganimiz juda yaxshi. Quruq g‘alaba, uch muhim ochko va klub uchun 400 ta o‘yin - bu ajoyib kun bo‘ldi", - deya De Xea so‘zlarini keltiradi BBC.
“Manchester Yunayted” ushbu g‘alabadan so‘ng ochkolari sonini 46taga yetkazib, turnir jadvalida 2-o‘ringa ko‘tarilib oldi va “Manchester Siti”ni quyi pog‘onaga tushirib yubordi.
