Англия Премьер Лигасининг 23-турида “Манчестер Сити” 12 февраль, якшанба куни ўз уйида “Астон Вилла”ни қабул қилди.

Учрашув дебютида Родри “шаҳарликлар”ни олдинга олиб чиқди. 39-дақиқада Илкай Гундўған орадаги фарқни оширган бўлса, бўлим якунида Риёд Маҳрез пенальтини аниқ амалга оширган ҳолда ҳисобни йирик кўринишга олиб келди.

61-дақиқада Олли Уоткинс ҳисобни қисқартирди. Қолган дақиқаларда ҳисоб ўзгармади.

Ушбу ғалабадан кейин “Манчестер Сити” очколарини 48 тага етказиб олган ҳолда иккинчи ўринга қайтди. Пешқадам “Арсенал” ҳисобида 51 очко мавжуд. “Астон Вилла” 28 очко билан 11-поғонада бормоқда.

АПЛ, 23-тур баҳси
12 февраль, якшанба
“Манчестер Сити” — “Астон Вилла” 3:1
Голлар: 1:0 – 4 Родри, 2:0 – 39 Гундўған, 3:0 – 45+1, пенальти Маҳрез, 3:1 – 61 Уоткинс.
“Манчестер Сити”: Эдерсон, Уокер, Лапорт, Рубен Диаш (Аканжи, 46), Гундўған, де Брюйне, Грилиш (Фоден, 69), Бернарду Сильва, Родри, Марез (Аке, 85), Ҳоланд (Альварес, 46).
“Астон Вилла”: Мартинес, Янг (Кеш, 76), Чемберс, Конса, Дин (Морено, 61), Ремзи (Коутиньо, 76), Буэндиа (Макгинн, 61), Камара, Дуглас Луис, Уоткинс, Бэйли (Дуран, 61).
Огоҳлантиришлар: Дин (37), Рубен Диаш (41).