Angliya Premyer Ligasining 23-turida “Manchester Siti” 12 fevral, yakshanba kuni o‘z uyida “Aston Villa”ni qabul qildi.

Uchrashuv debyutida Rodri “shaharliklar”ni oldinga olib chiqdi. 39-daqiqada Ilkay Gundo‘g‘an oradagi farqni oshirgan bo‘lsa, bo‘lim yakunida Riyod Mahrez penaltini aniq amalga oshirgan holda hisobni yirik ko‘rinishga olib keldi.

61-daqiqada Olli Uotkins hisobni qisqartirdi. Qolgan daqiqalarda hisob o‘zgarmadi.

Ushbu g‘alabadan keyin “Manchester Siti” ochkolarini 48 taga yetkazib olgan holda ikkinchi o‘ringa qaytdi. Peshqadam “Arsenal” hisobida 51 ochko mavjud. “Aston Villa” 28 ochko bilan 11-pog‘onada bormoqda.

APL, 23-tur bahsi
12 fevral, yakshanba
“Manchester Siti” — “Aston Villa” 3:1
Gollar: 1:0 – 4 Rodri, 2:0 – 39 Gundo‘g‘an, 3:0 – 45+1, penalti Mahrez, 3:1 – 61 Uotkins.
“Manchester Siti”: Ederson, Uoker, Laport, Ruben Diash (Akanji, 46), Gundo‘g‘an, de Bryuyne, Grilish (Foden, 69), Bernardu Silva, Rodri, Marez (Ake, 85), Holand (Alvares, 46).
“Aston Villa”: Martines, Yang (Kesh, 76), Chembers, Konsa, Din (Moreno, 61), Remzi (Koutinyo, 76), Buendia (Makginn, 61), Kamara, Duglas Luis, Uotkins, Beyli (Duran, 61).
Ogohlantirishlar: Din (37), Ruben Diash (41).