"Челси" клуби раҳбарияти бош мураббий Грэм Поттерни истеъфога чиқармоқчи эмас.
Манба берган хабарга кўра, Лондон клуби 47 ёшли мутахассисни дунёдаги энг яхши мураббийлардан бири деб ҳисобламоқда. "Кўклар" унинг фаолиятини жорий мавсум натижаларига эмас, балки бир неча йил давомида баҳолайди. "Челси" Чемпионлар лигасига чиқа олмаса ҳам, Поттерни истеъфога чиқаришмайди.
Лондон жамоаси раҳбарларининг фикрича, унинг клубга мавсум ўрталарида келгани, шунингдек, футболчиларнинг кўп сонли жароҳатлари Грэмнинг жорий мавсумда ижобий натижа кўрсатишига тўсқинлик қилган. "Челси" Микел Артетанинг "Арсенал"даги муваффақиятига асосланади, чунки, "канонрирлар" Артетага ишонган ва вақт берилган.
