"Манчестер Юнайтед" ҳимоячи Аарон Уан-Биссака билан кейинги ҳамкорликдан манфаатдор эмас. Манкунианликлар жорий мавсум якунида 25 ёшли футболчи билан хайрлашишга тайёр, дея хабар беради Football Insider.

Футболчи сифатида фаолиятини давом эттириш вариантлари орасида Лондоннинг "Вест Хэм" клуби ҳам номланади. Потенциал трансфер суммаси 25 миллион еврога баҳоланмоқда.

Эслатиб ўтамиз, ҳимоячи 2019 йилнинг ёзидан буён "қизил иблислар" сафида тўп тепмоқда. У "Кристал Пэлас"дан "Олд Траффорд"га ўтган эди.

Уан-Биссака жорий мавсумда барча турнирларда 14 та ўйинда майдонга тушиб, битта голли узатмани амалга оширди.