Германиянинг “Лейпциг” клуби ҳимоячиси Йошко Гвардиол Бундеслигани Англия Премьер-лигасига ўзгартириши мумкин. Football Transfer хабарига кўра, "Ливерпуль" 21 ёшли футболчининг хизматларига қизиқиш билдирмоқда.
Манбанинг қайд этишича, потенциал битим суммаси 110 миллион еврога баҳоланмоқда. Гвардиол ва "Лейпциг" ўртасидаги амалдаги шартнома 2027 йилнинг ўрталарига қадар тузилган.
Германия Бундеслигасининг жорий мавсумида ҳимоячи 18 та баҳсда қатнашиб, битта сариқ карточка олди.
АПЛнинг 23-тури якунларига кўра, “Ливерпуль” турнир жадвалида 9-ўринда бормоқда.
