Каталониянинг “Барселона” клуби ҳимоячиси Рональд Араухо спорт директори Матеу Алеманининг ўрнида бўлганида кимлар билан шартнома имзолаган бўлишини айтди.
"Агар Матеу Алеманининг ўрнида бўлганимда, Родриго Бентанкур ва Лионель Мессини "Барселона"га ўтказган бўлардим", - дея Араухонинг сўзларини келтиради Barca Universal.
Эслатиб ўтамиз, Лионель Мессининг "ПСЖ" билан шартномаси мавсум охирида тугайди, бироқ аргентиналикнинг раҳбарият билан муносабатлари ёмонлиги, шунингдек, жамоадаги молиявий муаммолар туфайли унинг "Барселона"га қайтиши жуда даргумон.
Бентанкурга келсак, ярим ҳимоячи бир йил олдин Туриннинг "Ювентус" жамоасидан "Тоттенхэм"га ўтган ва ҳозирда Антонио Конте жамоасида ўйнашда давом этмоқда.
