"Бавария" ҳимоячиси Жоау Канселу "Манчестер Сити" ва бош мураббий Хосеп Гвардиолага унинг ривожланишига қўшган ҳиссаси учун миннатдорчилик билдирди.
"Менда "Манчестер Сити"га қарши ҳеч нарса йўқ. Мен клуб ва Гвардиоладан жуда миннатдорман, аммо ривожланишга эришиш учун олдинга қадам ташлашим керак эди. Менга янги имкониятлар ёқади", - дея Канселунинг сўзларини келтиради City Xtra.
Португалиялик ҳимоячи "Бавария"да мавсум охиригача ижара асосида ўйнайди. Немис жамоаси Канселуни 70 миллион еврога сотиб олиш ҳуқуқига эга.
Жорий мавсумда Канселу “Манчестер Сити” сафида барча турнирлар доирасида 26 та ўйинда майдонга тушиб, 2 та гол урди ва 5 та голли узатмани амалга оширди.
