Жордан Хендерсон 2022 йилда Парижда бўлиб ўтган Чемпионлар лигаси финалидаги тартибсизликлар ҳақида гапирди.
Эслатиб ўтамиз, 2022 йилнинг 28 май куни “Ливерпуль” – “Реал” (0:1) ўйини олдидан “Стад де Франс” стадионида жиддий норозилик юзага келган ва бу УЕФА таъкидлаганидек, сохта чипталар билан мухлисларнинг кўплиги туфайли юзага келган эди. Франция полицияси оломонни тинчлантириш учун кўздан ёш оқизувчи газ ва қалампир газидан фойдаланган. Шу боисдан ўйин бошланиши ярим соатдан кўпроққа кечиктирилди.
УЕФА буюртмаси бўйича тайёрланган ҳодиса бўйича мустақил ҳисоботда айтилишича, “деярли фалокатга олиб келган воқеалар учун асосий масъулият” УЕФАнинг ўзига тегишли.
“Ушбу ҳисобот футбол мухлисларига муносабатда бурилиш нуқтаси бўлиши керак. Ҳеч ким ўз хавфсизлигини нотўғри ташкил этиш орқали хавф остига қўймаслиги керак. Қанчалик тезроқ чора кўрилса, шунча яхши", - деб ёзди "Ливерпуль" ярим ҳимоячиси ижтимоий тармоқларда.
