"ПСЖ" раҳбарияти бразилиялик ҳужумчи Неймарнинг трансфери ҳақида ўйламоқда. Le Parisien журналистларининг ёзишича, Париж гиганти юлдуз футболчисини бошқа клубга текинга қўйиб юбориши мумкин. Шундай қилиб, Лига 1 чемпиони маошини тежашни истайди.

Аввалроқ, 31 ёшли жанубий америкалик футболчига Лондоннинг "Челси" клуби қизиқиш билдираётгани ҳақида хабар берилганди. “Аристократлар" жорий мавсум якунида футболчи учун курашишга тайёр.

Неймар парижликлар сафида 2017 йилдан бери ўйнайди. У 222 миллион евро эвазига Каталониянинг “Барселона” клубидан “ПСЖ”га ўтган эди. Умуман олганда, бразилиялик француз клуби сафида 172 та ўйин ўтказиб, 117 та гол урган ва 76 та голли узатмани амалга оширган.