"Манчестер Сити" бош мураббийи Хосеп Гвардиола Лондоннинг "Арсенал" клуби устидан сафарда кечган ғалабадан (3:1) сўнг Англия Премьер-лигасида чемпионлик учун кураш ҳақида гапирди.
"Агар "Арсенал" кейинги ўйинда ғалаба қозонса, яна юқорига кўтарилади. Биз эришган нарса ақл бовар қилмайди. “Сити” чемпионлик учун курашда давом этмоқда. Ҳаммаси охирги турларда аниқланади. Олдинда ҳали Чемпионлар лигаси ўйинлари бор, бу футболчиларга осон бўлмайди. "Арсенал" яна юқорига чиқмаслиги учун очко йўқотмаслигимиз керак", - дейди испаниялик мураббий BBC Sport нашрига.
“Эмирейтс”даги ғалаба эвазига Гвардиола шогирдлари АПЛда пешқадамликни қўлга киритишди.
