"Барселона" директори Матеу Алемани Илкай Гюндоганнинг трансфери ҳақида фикр билдирди.
"Манчестер Сити" ярим ҳимоячисининг агенти "кўк-анорранглилар" раҳбарияти билан учрашув ўтказди ва бу "шаҳарликлар" сардорининг трансфери борасида янги миш-мишларга сабаб бўлди.
Алеманининг сўзларига кўра, учрашув бошқа вазият туфайли бўлган: “Биз Гюндоганнинг амакиси билан учрашдик, у ҳам Кристенсеннинг ишлари билан шуғулланади. Биз ҳозиргина Андреаснинг ўйинини муҳокама қилдик, у бизнинг клубимизга аъло даражада мослашди", - деди Алемани.
Илкай Гюндоганнинг “Манчестер Сити” билан шартномаси жорий мавсум охирида якунига етади.
