«Барселона» – «Манчестер Юнайтед» учрашувида Европа лигасидаги томошабинлар сони бўйича янги рекорд ўрнатилди.

«Спотифай Камп Ноу» стадионида бўлиб ўтган «Барселона» – «Манчестер Юнайтед» учрашувига 90 255 нафар томошабин ташриф буюрди, деб хабар беради УЕФА расмий сайти.

Бу ўйин Европа Лигасининг янги рекордини ўрнатди ва аввалгисидан 10 000 га яқин томошабинни ортда қолдирди. 2017 йилнинг 23 февралида «Тоттенхэм» – «Гент» ўртасидаги 1/16 ўйини бўлиб ўтган «Уэмбли»га 80 465 киши ташриф буюрганди.

Эслатиб ўтамиз, кеча, 16 февраль куни «Барселона» ҳамда Англиянинг «Манчестер Юнайтед» клублари ўртасидаги Европа лигаси 1/16 финалининг биринчи учрашуви якунига етди.

Учрашув 2:2 ҳисобида дуранг билан якунланди. «Юнайтед» ва «Барселона» ўртасидаги жавоб учрашуви 23 февраль куни Манчестерда бўлиб ўтади.