«Barselona» – «Manchester Yunayted» uchrashuvida Yevropa ligasidagi tomoshabinlar soni bo‘yicha yangi rekord o‘rnatildi.
«Spotifay Kamp Nou» stadionida bo‘lib o‘tgan «Barselona» – «Manchester Yunayted» uchrashuviga 90 255 nafar tomoshabin tashrif buyurdi, deb xabar beradi UYEFA rasmiy sayti.
Bu o‘yin Yevropa Ligasining yangi rekordini o‘rnatdi va avvalgisidan 10 000 ga yaqin tomoshabinni ortda qoldirdi. 2017 yilning 23 fevralida «Tottenxem» – «Gent» o‘rtasidagi 1/16 o‘yini bo‘lib o‘tgan «Uembli»ga 80 465 kishi tashrif buyurgandi.
Eslatib o‘tamiz, kecha, 16 fevral kuni «Barselona» hamda Angliyaning «Manchester Yunayted» klublari o‘rtasidagi Yevropa ligasi 1/16 finalining birinchi uchrashuvi yakuniga yetdi.
Uchrashuv 2:2 hisobida durang bilan yakunlandi. «Yunayted» va «Barselona» o‘rtasidagi javob uchrashuvi 23 fevral kuni Manchesterda bo‘lib o‘tadi.
