"ПСЖ" ҳужумчиси Лионель Месси ва ҳимоячиси Преснел Кимпембе клубнинг трансфер сиёсатидан норозилигини билдирди, деб хабар беради L'Equipe.

Нашрнинг ёзишича, Месси ва Кимпембе клуб раҳбарияти 2022 йилнинг ёзида ярим ҳимоячи Леандро Паредеснинг "Ювентус"га, ярим ҳимоячи Идрисс Гейе "Эвертон"га кетишига, шунингдек, ярим ҳимоячи Юлиан Дракслерни "Бенфика"га ижарага беришга қандай рухсат берганини тушунмаяпти. Унинг ўрнига "Вулверхэмптон"дан Витинья, "Наполи"дан Фабиан Руис ва "Валенсия"дан Карлос Солер сотиб олинди.

Шунингдек, "ПСЖ" футболчилари ҳужумчи Арно Калимуэндонинг "Ренн"га сотилиши ва унинг ўрнига Уго Экитикенинг келишини маъқулламади. Футболчилар, шунингдек, “Интер” ҳимоячиси Милан Шкриньяр қишда Париж клубига ўтмаганидан норози, чунки улар ҳимоя чизиғини кучайтириш зарур деб ҳисоблайдилар.

Парижликлар 23 турдан кейин 54 очко билан Франция чемпионати турнир жадвалида пешқадамлик қилмоқда.