«Манчестер Сити» «Вест Хэм» ярим ҳимоячиси Деклан Райсга яна қизиқиш билдирмоқда. 90 min бу ҳақда хабар берди.

Ёзги трансфер ойнасида Деклан Райс каттароқ клубга ўтишга яқин. 24 ёшли футболчига Премьер-лиганинг кўплаб гигантлари қизиқиш билдирмоқда. «Манчестер Сити»ни Илкай Гюндоган ва Бернарду Силва тарк этиши мумкин.

Нуфузли Transfermarkt портали экспертлари Деклан Райсни 80 миллион еврога баҳоламоқда. Шу билан бирга, «Вест Хэм» ўз етакчиси ва сардори учун кўпроқ пул талаб қилади.

2022/2023 йилги мавсумда Деклан Райс битта гол урди ва шерикларига учта голли узатма берди.