Англия Премьер-лигаси “Ҳатайспор” ярим ҳимоячиси Кристиан Атсунинг вафоти муносабати билан ҳамдардлик билдирди.
18 февраль, шанба куни ганалик агент Туркияда зилзиладан кейин вайроналар остидан 31 ёшли футболчининг жасади топилгани ҳақида хабар берди.
“Кристиан Атсу Туркия ва Сурияга таъсир кўрсатган даҳшатли зилзиладан сўнг вафот этгани ҳақидаги хабардан жуда қайғудамиз. Биз Кристианнинг барча оила аъзолари ва дўстларига ҳамда ушбу офатдан жабр кўрган барчага ҳамдардлик билдирамиз”, — дейилади Премьер-лига баёнотида.
Атсу Англияда "Челси", "Эвертон", "Борнмут" ва "Ньюкасл" клубларида тўп тепган.
