"Уфа" Александр Зинченконинг "Манчестер Сити"дан "Арсенал"га ўтгани учун 250 минг евро олмаган.
Бу ҳақда “Уфа” бош директори Шамил Газизов маълум қилди.
"Зинченконинг трансфери учун бирдамлик тўловлари ҳали амалга оширилмади. Биз бу фикрдан воз кечмаймиз, кутамиз. Вазият ўзгармагунча: агент-банк санкциялар туфайли Англия Федерациясидан Россияга пул ўтказа олмайди, тамом”, — деди Газизов.
Ўтган ёзда Зинченко "Манчестер Сити"дан 35 миллион евро эвазига "Арсенал"га ўтган эди. Энди Лондон клуби "Уфа"га бирдамлик тўловлари сифатида 250 минг евро тўлаши шарт.
Зинченко 2015 йилдан 2016 йилгача "Уфа"да ўйнаган. Умуман олганда, ҳимоячи Бошқирдистон жамоаси таркибида 33 та ўйин ўтказиб, иккита гол урган ва тўртта голли узатмани амалга оширган.
