"Манчестер Сити" ҳужумчиси Эрлинг Холанднинг агенти Рафаэла Пимьента норвегиялик футболчининг бозор қиймати 1 миллиард евро эканлигини айтди.
"Эрлинг Холанднинг трансфер нархи ҳозирда 1 миллиард еврога тенг. Мен жиддий гапиряпман, ишончим комилки, у бошқа жамоага шунчалик қимматга тушади", - деди агент.
Холанд жорий мавсум бошланишидан олдин "Манчестер Сити"га Дортмунднинг "Боруссия"сидан келиб қўшилди. Англия Премьер-лигасида норвегиялик футболчи “шаҳарликлар” сафида 23 та ўйин ўтказиб, 26 та гол ва 4 та голли узатмани амалга оширган.