Яқин келажакда "Манчестер Юнайтед" сотилиши мумкин. Клубга уч томон қизиқиш билдирмоқда: Жим Рэтклиффнинг INEOS компанияси, Америка Elliot фонди ва Қатар шайхи Жассим бин Ҳамад ал-Тани. Шу билан бирга, фақат Қатар вакили "қизил иблислар"нинг барча 100% акцияларини сотиб олмоқчи, INEOS ва Elliott эса назорат пакетини олишни истамоқда.
Шу билан бирга, The Sun нашри Глейзерлар оиласи клубни 6 миллиард фунт стерлингдан (тахминан 6,75 миллиард евро) камига сотмаслигини маълум қилди.
Айтиш жоизки, “Манчестер Юнайтед” мухлислари сўнгги йилларда клуб хўжайинларига шафқатсизларча танқидлар ёғдиришмоқда.
