«ПСЖ» ҳужумчиси Килиан Мбаппе «Бавария»га қарши ўйиндан кейин Неймарни қоралашга уринмади.

Франциялик футболчи Чемпионлар лигаси 1/8 финалининг биринчи ўйинида мағлубиятга учраганидан сўнг интервью берар экан: «Жавоб ўйинигача ҳамма соғлом бўлиши керак, шунинг учун ҳамма яхши овқатланиб, яхши ухлаши керак», деганди.

Эртаси куни Неймар покер турнирида қатнашди ва шундан сўнг тунда «Макдоналдс»га ташриф буюрди.

«Мен одамларнинг Неймар ҳақида, нима бўлганлиги ҳақида гапираётганини кўрдим. Бу Неймарга қарши қаратилган гап эмас эди, ҳозирги вазиятда ҳар қандай танбеҳ бизга керак.

Умид қиламанки, Неймар тез орада қайтади, у биз учун муҳим ўйинчи», - деди Мбаппе.