«PSJ» hujumchisi Kilian Mbappe «Bavariya»ga qarshi o‘yindan keyin Neymarni qoralashga urinmadi.
Fransiyalik futbolchi Chempionlar ligasi 1/8 finalining birinchi o‘yinida mag‘lubiyatga uchraganidan so‘ng intervyu berar ekan: «Javob o‘yinigacha hamma sog‘lom bo‘lishi kerak, shuning uchun hamma yaxshi ovqatlanib, yaxshi uxlashi kerak», degandi.
Ertasi kuni Neymar poker turnirida qatnashdi va shundan so‘ng tunda «Makdonalds»ga tashrif buyurdi.
«Men odamlarning Neymar haqida, nima bo‘lganligi haqida gapirayotganini ko‘rdim. Bu Neymarga qarshi qaratilgan gap emas edi, hozirgi vaziyatda har qanday tanbeh bizga kerak.
Umid qilamanki, Neymar tez orada qaytadi, u biz uchun muhim o‘yinchi», - dedi Mbappe.
