"Лейпциг" марказий ҳимоячиси Йошко Гвардиол ҳужумчи сифатида тўп сураётган жамоадоши Кристофер Нкункунинг ўйини ҳақидаги таассуротлари билан ўртоқлашди.
Эслатиб ўтамиз, франциялик футболчи жароҳат сабаб узоқ вақтдан сўнг яқинда сафга қайтган эди. Кристофер 12 гол билан Бундеслигада иккинчи тўпурар бўлиб турибди.
“Мен Нкункудек футболчини ҳеч қачон учратмаганман. Ҳар сафар уни бошқалар билан муҳокама қилганимда, у қаерга бормасин, мен унга эргашишни хоҳлаётганимни айтаман", - деди Гвардиол The Times билан суҳбатда.
Эслатиб ўтамиз, аввалроқ кўплаб нуфузли манбалар Нкункунинг "Челси"га ўтганини тасдиқлашганди. Франциялик футболчи кейинги ёзда "кўклар" футболчисига айланади. Олдинроқ Гвардиол ҳам "Стэмфорд Бридж"га ўтиши ҳақида хабарлар тарқалган эди.
