"Бавария" футболчилари Германия чемпионатининг 21-тури доирасидаги "Боруссия Мёнхенгладбах"дан (2:3) мағлуб бўлганидан кейин қўшимча дам олишмайди, деб хабар беради Bild.
“Бавария” бош мураббийи Юлиан Нагельсманн “Боруссия”ни мағлуб эта олса, футболчиларга бирданига икки кун дам олишга ваъда берганди. Бироқ ўйин мюнхенликларнинг мағлубияти билан якунланди, шунинг учун қўшимча дам олиш кунлари бекор қилинишига тўғри келди.
Нагельсманн сўнгги ҳафталардаги тиғиз тақвим туфайли футболчиларга қўшимча бир кун дам бермоқчи эди, бироқ “Боруссия”дан учралган мағлубият бу режаларни бекор қилишга мажбур қилди.
"Бавария" қўшимча кўрсаткичлар бўйича "Боруссия Дортмунд" ва "Унион"ни ортда қолдириб, Бундеслига турнир жадвалида биринчи ўринни сақлаб қолди (43 очко).
