«Наполи» президенти Аурелио Де Лаурентис жамоасининг жорий мавсумдаги муваффақиятли ўйинига муносабат билдирди.
«Наполи ҳақида айни дам фақат илиқ сўзлар эшитиш мумкин. Мен энг яхши клубмиз, деб айтмоқчи эмасман, лекин ўта рақобатбардош ва энг ҳалол жамоамиз дея оламан», — деди функционер.
Неаполликлар жорий мавсум А Серия турнир жадвалида энг яқин таъқибчиси «Интер»ни 15 очкога ортда қолдириб, пешқадамлик қилмоқда.
«Наполи» сўнгги чемпионлигини 1990 йилда қўлга киритган. Чемпионлар лигасида жамоа 1/8 финалда «Айнтрахт» билан учрашади.
Учрашув бугун бўлиб ўтади.
