Дортмунднинг "Боруссия" клуби ҳужумчиси Карим Адейеми жароҳати сабаб тахминан уч ҳафта майдонга туша олмайди, дея хабар беради немис клуби матбуот хизмати.
Ҳужумчи Бундеслиганинг 21-тури доирасидаги "Герта"га (4:1) қарши ўйинда иккинчи гол урган эпизодда жароҳат олди.
21 ёшли футболчига мушак толаси ёрилиши ташхиси қўйилган ва у тахминан уч ҳафта майдонга туша олмайди.
Шу тариқа, Адейеми 7 март куни бўлиб ўтадиган Чемпионлар лигаси 1/8 финалининг "Челси"га қарши Лондондаги жавоб учрашувида майдонга тушмайди. Биринчи ўйин 1:0 ҳисобидаги ғалаба билан якунланди ва Адейеми ҳал қилувчи голни киритганди.
