«Фенербахче» «Тоттенхэм» ҳужумчиси Лукас Моурани текинга қўлга киритиш борасида музокаралар олиб бормоқда, дея хабар беради Sabah.
Манбага кўра, турк клуби 30 ёшли футболчига 3 йиллик шартнома таклиф қилган.
Моура 2018 йилдан бери «Тоттенхэм»да ўйнаб келмоқда. Амалдаги шартнома 2023 йилнинг ёзига қадар мўлжалланган.
Жорий мавсумда ҳужумчи барча мусобақаларда 12 та ўйин ўтказиб, гол ура олмади. Transfermarkt портали футболчини 12 миллион еврога баҳолаган.