"ПСЖ" президенти Носир Ал-Хелайфи ва клуб футбол маслаҳатчиси Луиш Кампуш бош мураббий Томас Тухелнинг агенти Пини Захави билан учрашди, дея хабар беради журналист Лоик Танзи.
Қайд этилишича, ҳозирча аниқ музокаралар олиб борилмаяпти. Айни дамда "ПСЖ" бош мураббий Кристоф Галтье билан хайрлашиш ҳақида ўйламаяпти.
49 ёшли германиялик мутахассис аввалроқ икки ярим мавсумни "ПСЖ"да ўтказган. Бу даврда жамоа икки марта Франция чемпиони бўлди ва ўз тарихида ягона марта Чемпионлар лигаси финалига чиқди ва ўшанда “Бавария”га имкониятни бой берди.
"ПСЖ"ни тарк этгач, Тухель "Челси"ни бошқарган ва у тайинланганидан кейин олти ой ўтиб Чемпионлар лигасида ғолиб чиққан.
Мавсум бошида мураббий инглиз клубидан ҳайдалган эди, шу боис у ҳозирда ишсиз.
