"Ливерпуль"нинг собиқ футболчиси Жейми Каррагер "Наполи" ҳужумчиси Хвича Кварацхелиянинг ўйини ҳақида гапирди.
Каррагер CBC Sport телеканалига берган интервьюсида Кварацхелияни айни дамда Европанинг энг эътиборни тортган футболчиси деб билишини айтди. Мутахассиснинг фикрича, келаси мавсумда 22 ёшли грузиялик футболчи "Реал"га ўтиши мумкин.
Жорий мавсумда Кварацхелия барча турнирларни ҳисобга олган ҳолда 25 та ўйинда қатнашиб, 12 та гол урди ва 15 та голли узатмани амалга оширди.
Ҳужумчининг "Наполи" билан шартномаси 2027 йилгача мўлжалланган. Transfermarkt портали футболчининг нархини 60 миллион еврога баҳоламоқда.