"Liverpul"ning sobiq futbolchisi Jeymi Karrager "Napoli" hujumchisi Xvicha Kvarasxeliyaning o‘yini haqida gapirdi.
Karrager CBC Sport telekanaliga bergan intervyusida Kvarasxeliyani ayni damda Yevropaning eng e’tiborni tortgan futbolchisi deb bilishini aytdi. Mutaxassisning fikricha, kelasi mavsumda 22 yoshli gruziyalik futbolchi "Real"ga o‘tishi mumkin.
Joriy mavsumda Kvarasxeliya barcha turnirlarni hisobga olgan holda 25 ta o‘yinda qatnashib, 12 ta gol urdi va 15 ta golli uzatmani amalga oshirdi.
Hujumchining "Napoli" bilan shartnomasi 2027 yilgacha mo‘ljallangan. Transfermarkt portali futbolchining narxini 60 million yevroga baholamoqda.