“Интер” мағлубиятсиз сериясини олтита ўйинга етказди.
Симоне Индзаги шогирдлари Чемпионлар лигаси 1/8 финалининг илк ўйинида “Порту”ни мағлуб этишди (1:0).
"Нерадзуррилар" сўнгги бор 23 январь куни - "Эмполи"да (0:1) мағлуб бўлишган. Ўшандан бери уларда 5 та ғалаба ва битта дуранг бор.
Португалия клуби дарвозасига ягона голни Ромелу Лукаку киритди. Ҳозир Чемпионлар лигасида урган 17 та гол эвазига у Дрис Мертенсни (16) ортда қолдирди ва бельгияликлар ўртасидаги турнирда гол уриш бўйича рекордчига айланди.
